Республикада индустрияландыру бағдарламасын жүзеге асыру жылдары машина жасау саласында 114 жоба жүзеге асырылды, деп хабарлады ҚР Индустрия және инфрақұрылымдық даму министрі Роман Скляр Бүгін Нұр-Сұлтан қаласында өтіп жатқан Қазақстан машина жасаушыларының VII форумында сөйлеген сөзінде.

«Машина жасау өнеркәсіптің технологиялық жағынан аса маңызды және аса күрделі салаларының бірі болып табылады. Оны дамыту агроөнеркәсіптік, энергетикалық және металлургиялық, көліктік және экономиканың басқа да негізгі секторлары қызметінің тұрақтылығын қамтамасыз етеді. Машина жасау саласында бір жұмыс орнын құру аралас салаларда бес-алты жұмыс орнын құруға әкеледі», – деді форумды аша отырып, ҚР Индустрия және инфрақұрылымдық даму министрі Роман Скляр.

Оның айтуынша, индустриаландыру бағдарламасын жүзеге асыру жылдары республиканың машина жасау саласында 114 жоба жүзеге асырылды. Локомотивтер, трансформаторлар, коммуникациялық жабдықтар, оптикалық аспаптар, электрондық бөлшектер өндірісі, электр жарықтандыру жабдықтары өндірісі сияқты жаңа өнім түрлерін өндіру жолға қойылды.

«Автопром және теміржол машина жасау жаңадан құрылды, ауыл шаруашылығы, электротехникалық, тау-кен және мұнай-газ машина жасау салалары айтарлықтай жаңартылды және күшейтілді», – деп атап өтті спикер.

Нарық иелерін ынталандыру үшін ел Үкіметі ҚҚС бойынша преференциялар берді, жеңілдетілген кредит беру және лизинг бағдарламалары, өнім экспортын қолдау шаралары әзірленді. Промкооперация бағдарламасы іске қосылды.

«Саланы дамытуға Глобал 2000 тізімінен Alstom, General Electric, СМС–JAC Motors, Hyundai және басқалары сияқты ірі ұлтаралық корпорациялар тартылды», – деп атап өтті Роман Скляр және өндірушілер экспорт үшін ағымдағы өнім шығаруды кеңейте алды, оның ішінде автомобиль өнімдері, подшипниктер, желдеткіштер, аккумуляторлар, трансформаторлар, локомотивтер бар, – деп қосты.

Республикада «Силумин-Восток» ЖШС қуаттарында Schneider Electric электротехникалық өнімі, «Алматы желдеткіш зауыты» ЖШС LG Electronics желдеткіш жабдығы өндіріледі.

Кооперациялық байланыстарды дамыту үшін ағымдағы жылдың сәуірінде Қазақстан мен Ресей Федерациясы арасында бірлескен іс-қимыл бағдарламасы қабылданды. Ол «Камаз» ЖАҚ, «Петербург трактор зауыты» АҚ және т. б. бірлескен жобалар қатарында кооперацияны қарастырады.

Ағымдағы жылдың сәуір айында «Hyundai Trans Kazakhstan» ЖШС-нің «Hyundai» маркалы жеңіл автокөліктерін өндіретін жаңа зауытының алғашқы тасы қаланды.

Қытай серіктестерімен ынтымақтастық аясында ҚР-да автокомпоненттік базаны дамытуға мүмкіндік беретін шиналар мен қозғалтқыштар шығаратын зауыттарды іске қосу жоспарлануда.

«2018 жылдың қорытындысы бойынша машина жасау өндірісінің көлемі бірінші рет 1 трлн теңгеден асты. 2019 жылы өсімнің жоғары қарқыны сақталды», – деді министр, және ағымдағы жылдың қаңтар айынан тамыз айына дейін «өндіріс көлемінің өсуі 118% құрады», – деп қосты.

Оның мәліметтері бойынша, сала құрылымында машина жасау кіші салаларының арасында өсудің ең үлкен серпіні автомобиль құрастыруды көрсетеді. Бүгінгі таңда Қазақстанда автокөлік құралдарының барлық санаттарының өндірісі жүргізілуде. Республикада автомобильдердің 167 үлгісі, оның ішінде 22 әлемдік брендтің 39 жеңіл автокөлік моделі жиналады.

Министрдің айтуынша, ірі торапты құрастырудан автомобильдерді ұсақ торапты құрастыруға көшу болды. Мысалы, шанақтарды дәнекерлеу және бояу бойынша технологиялық операциялар енгізілді. 2010 жылдан бастап өндіріс көлемі 8 есеге өсті: 2010 жылғы 4 мың бірліктен 2018 жылы 32 мың бірлікке дейін. Машина жасаудың жалпы көлеміндегі автопром үлесі 2010 жылғы 4%-ға қарағанда 19,2%-ға жетті.

2019 жылдың 8 айында машина жасау өндірісінің көлемі 56,5%-ға өсті.  Сондай-ақ өндірістің неғұрлым тұрақты серпіні және саланың басқа секторларымен салыстырғанда өндірістің неғұрлым тереңдетілген оқшаулануы электротехникалық машина жасау секторы да сипатталады.

Қазақстанның темір жол, ауыл шаруашылығы, тау-кен және мұнай-газ машиналарын жасауда отандық кәсіпорындар электровоздар, локомотивтер, вагондар, тұтас тапталған дөңгелектер, тракторлар, комбайндар, ауыл шаруашылығы техникасын, мұнай сервистік компаниялар мен жер қойнауын пайдаланушылар үшін әртүрлі жабдықтар шығарады.

2019 жылғы маусымда премьер-министрдің өкімімен Қазақстан Республикасында Машина жасауды дамытудың 2019-2024 жылдарға арналған жол картасы бекітілді. Онда машина жасау кәсіпорындарын қолдаудың нақты шаралары мен орындалуы қажет бірқатар міндеттер көзделген.

«Біз мемлекет пен бизнестің табысты ынтымақтастығы жағдайында жоспарланған міндеттер жүзеге асырылатын болады және Қазақстанның машина жасау ісі одан әрі даму үшін жаңа идеялар ағынына ие болады деп үміттенеміз», — деп атап өтті министр.

Естеріңізге сала кетейік, Қазақстан машина жасаушыларының VII форумы бүгін, 2019 жылы 13 қыркүйекте Нұр-Сұлтан қаласында EXPO Конгресс-орталығында өтуде. Форумды ҚР Индустрия және инфрақұрылымдық даму министрлігі, Қазақстан үкіметінің қолдауымен Қазақстан машина жасаушылар одағы ұйымдастырды. Бас серіктес – «Самұрық-Қазына» ҰӘҚ» АҚ.

Форум тақырыбы: «Машина жасау – Қазақстанды индустрияландыру драйвері!».

Форумға 1000-ға жуық делегат, жетекші қазақстандық және шетелдік машина жасау кәсіпорындарының басшылары, орталық мемлекеттік органдар, квазимемлекеттік сектор, даму институттары, бизнес қауымдастықтар мен машина жасау өнімдерінің ірі тұтынушылары қатысады.

Форум барысында отандық машина жасау әлеуетін дамыту, мұнай-газ секторындағы қазақстандық қамтуды дамыту мәселелері, өндірісте халықаралық стандарттарды енгізу кезіндегі қиындықтар, мұнай-газ компаниялары үшін жаңа өнімді игеруге ұзақ мерзімді қаржыландыруды тарту және т. б. өзекті мәселелер жоспарлануда.

Фото: kaik.kz