EIA: Азиядағы табиғи газды тұтыну 2050 жылға қарай жеткізілімнен озады

АҚШ энергетика басқармасы (EIA) ЭЫДҰ-ға кірмейтін елдерде, атап айтқанда Қытай, Үндістан, Бангладеш, Тайланд және Вьетнам елдерінде газды жыл сайын тұтыну 2050 жылға қарай күніне 120 млрд текше фут (Bcf / d) жетеді деп болжап отыр.

Осыған теңсіздік салдарынан ЭЫДҰ-ға кірмейтін елдер табиғи газ импортына неғұрлым тәуелді болады.

International Energy Outlook 2019 (IEO2019) есебіне сәйкес, 2018 жылдан 2050 жылға дейін табиғи газды әлемдік тұтыну өсімінің шамамен жартысына жуығы Азия елдеріне келеді. Бұл едәуір дәрежеде экономикалық белсенділіктің өсуімен, тұтынушылық сұраныс пен өнеркәсіптік өндіріс деңгейінің өсуімен байланысты.

Сонымен қатар, EIA Қытай 2050 жылға қарай 2018 жылмен салыстырғанда табиғи газды шамамен үш есе артық тұтынатын болады деп есептейді.

Бұл ретте ЭЫДҰ-ға кіретін Азия елдері табиғи газды соншалықты көп тұтынбайды, тіпті оны пайдалануды да қысқартуы мүмкін. Мысалы, Жапония, болжам бойынша, 2050 жылға қарай газды тұтынуды қысқартады.

Табиғи газды тұтыну 2018 / 2050 жыл.

Сарапшылардың пікірінше, Қытайда газға сұраныстың артуы энергетика және көлік секторымен байланысты.

Бұл өсім электр энергиясына сұраныстың артуымен, және көмірді ығыстырып жатқан табиғи газ негізіндегі электр энергиясын өндіруімен де байланысты болады. Көлік секторында сұраныс жүк және темір жол жүк тасымалдарының арқасында қолдау табады.

Үндістандағы табиғи газға сұраныстың артуын сарапшылар тауар өндірісінің ұлғаюымен байланыстырады. Үндістанның өнеркәсіптік секторында табиғи газды пайдалану 2040 жылдан кейін Қытайдың өнеркәсіптік секторын басып озады, деп санайды EIA. Сондай-ақ Үндістанда энергияны көп қажет ететін өндіріс, әсіресе шойын мен болат, металл емес минералдар мен негізгі химиялық заттар өндірісінің өсімі күтілуде.

EIA Бангладеш, Тайланд және Вьетнам сияқты ЭЫДҰ-ға кірмейтін Азияның басқа елдерінде табиғи газға деген сұраныс 2018 және 2050 жылдар арасындағы кезеңде өндірістің өсуі нәтижесінде шамамен 30%-ға өседі деп күтеді.

АҚШ ЭЫДҰ-ға кірмейтін елдерде табиғи газдың жетіспеуі өңірдегі өсіп келе жатқан теңгерімсіздікке ықпал етеді деп күтуде. EIA 2050 жылға қарай ЭЫДҰ-ға кірмейтін елдерде табиғи газ өндіру екі еседен астам ұлғаяды деп күтсе де, аймақта табиғи газды тұтыну тезірек өседі. Нәтижесінде сұранысты қанағаттандыру үшін табиғи газды көп мөлшерде импорттау қажет болады.